Soberania Ai-Han

Liu husi intervensaun oi-oin husi membros Sosiedade Sivil Timor oan, filme kiik konaba Soberania Ai-han bolu atensaun ba impaktu husi globalizasaun no politikas dumping iha sistema agrikola iha Timor-Leste. Filme ida ne'e hatudu katak tamba, neneik-neneik, Timor lakon ninia matenek lokal konaba konservasaun fini, produsaun no prosessamentu ai-han lokal, maske sei iha rekursu natural sira disponível iha nível lokal, konsumu ho variedade no saudável agora menus. Durante filme ne'e ita fahe mensajem katak se ita fokus ba politikas, estratejias no iniciativa sira ne'ebé favorável ba Agroekologia/Agricultura sustentável nomos ba Soberania Ai-han ita bele fo dalan alternativu atu garante ema hotu asesu ba ai-han saudável nomos protesaun ba meiu-ambiente. Narasaun usa lian Tétum no iha lejenda ho lian Português.

Filme ida ne’e parte integrante husi Pakote Informasaun no Komunikasaun ne’ebé liga ho Soberania Ai-han. Pakote ne’e sei usa hanesan base husi Kampaña Sensibilizasaun no Informasaun ne’ebé prepara ho apoiu husi Programa “Asistensia Teknika no Haforsa Kompetensia HASATIL nian no Organizasaun Sociedade Sivil ba Dezenvolvimentu Rural iha Timor Leste” [FED/2012/284-340]. Filme ne’e produz ho apoiu husi União Europeia. Ninia konteudu responsabilidade exklusiva husi HASATIL no mos labele, iha kasu ruma, konsidera nu’udar expresaun ba posisaun União Europeia. Jullu 2013.

 



Co-finansiamentu: União Europeia e Cooperação Portuguesa
Execusaun: Instituto Marquês de Valle Flôr
Parseria ho: Belun, Fundação ETADEP, Fokupers
Asosiadu ho: Ministério da Agricultura e Pescas
Produtor Exekutivu: HASATIL
Produsaun: Neo Ho'o Film
Guiaun: KSI
Realizador: Crisgenio Marques
Câmara: Bernardino Soares e Francisco Ismenio
Assistente: Aquiles Belo
Montagem: Francisco Ismenio
Som: Crisgenio Marques
Tradusaun: Danilo Verdial