Fini

Filme kiik konaba Fini bolu atensaun ba importansia atu halo nafatin propagasaun, konservasaun no komersializasaun fini lokal nomos ba importansia atu la lakon variedade lokal no metodu tradicional atu rai fini ne'e. Filme hatudu exemplu husi Organizasaun (GVA no naTerra) ne'ebé desenvolve Agrikultura Sustentável no Permakultura, promove peskiza no rekolla fini, propagasaun espesie ai-horis no harii banku fini. Liu husi forma simples no badak, filme ne'e mos fo esplikasaun konaba prosesu rekolla no jerminasaun husi fini lokal atu hasae sira nia diversidade, oinsa rai fini ne'ebe ameasa lakon no oinsa evita usa fini husi rai liur. 

Filme ida ne’e parte integrante husi Pakote Informasaun no Komunikasaun ne’ebé liga ho Fini. Pakote ne’e sei usa hanesan base husi Kampaña Sensibilizasaun no Informasaun ne’ebé prepara ho apoiu husi Programa “Asistensia Teknika no Haforsa Kompetensia HASATIL nian no Organizasaun Sociedade Sivil ba Dezenvolvimentu Rural iha Timor Leste” [FED/2012/284-340]. Filme ne’e produz ho apoiu husi União Europeia. Ninia konteudu responsabilidade exklusiva husi HASATIL no mos labele, iha kasu ruma, konsidera nu’udar expresaun ba posisaun União Europeia. Outubru 2014.

 



Co-finansiamentu: União Europeia e Cooperação Portuguesa
Execusaun: Instituto Marquês de Valle Flôr
Parseria ho: Belun, Fundação ETADEP e Fokupers
Asosiadu ho: Ministério da Agricultura e Pescas
Produtor Exekutivu: HASATIL
Produsaun: NH Film
Guiaun: Fernando Madeira
Realizador: Crisgenio Marques
Câmara: Bernardino Soares e Francisco Ismenio
Edição: Crisgenio Marques
Tradusaun: Danilio Barros